آسمانِ وقت پر روشن ستارا آپ کا
نقص مجھ کو، فائدہ سارے کا سارا آپ کا

دکھ ھؤا یہ جان کر، بیٹے الگ رہنے لگے
کچھ بتاؤ، کس طرح اب ھے گزارا آپ کا؟

باندھ لو رختِ سفر پھر سے مدینہ کے لیئے
کچھ نہیں اس کے سوا بس اب تو چارہ آپ کا

مالکن نے ہاتھ سے پکڑا، نکالا ڈانٹ کر
شب، مِری بیٹھک پہ تھا نوکر بچارا آپ کا

مجھ سے مت پوچھو کہ میں نے کس طرح کے غم سہے
کس طرح دکھ جھیل کر قرضہ اُتارا آپ کا

بھائی نے بے دخل مجھ کو کر دیا میراث سے
اور یہ تک کہہ دیا، اس میں نہ پارا آپ کا۔

ناشتے پہ پھر سے بیگم سے لڑائی ھو گئی؟
مجھ پہ نکلا آج پھر غصہ وہ سارا آپ کا

ماں منع کرتی رہی مجھ کو شراکت سے مگر
پڑ گیا سر پر مِرے آخر خسارا آپ کا

روز کا معمول ھے حق تلفیاں کرنا رشیدؔ
کب تلک آخر رہے گا، یہ اجارا آپ کا۔

رشید حسرتؔ
@Recently Active Users ​

ذرا سی باپ مِرا کیا زمین چھوڑ گیا
کثیر بچّے ہیں ازواج تین چھوڑ گیا

مُجھے مِلے تو میں اُس نوجواں کو قتل کروں
جو بد زباں کے لیئے نازنِین چھوڑ گیا

رہا جو مُفت یہ حُجرہؔ دیا سجا کے اُسے
مکاں کُشادہ تھا، لیکن مکین چھوڑ گیا

پِلایا دودھ بھی اور ناز بھی اُٹھائے، مگر
کمال سانپ تھا جو آستین چھوڑ گیا

پلٹ تو جانا ھے ھم سب کو ایک دن، یارو
مگر وہ شخص جو یادیں حسین چھوڑ گیا

میں اپنی تلخ مِزاجی پہ خُود ھُؤا حیراں
گیا وہ شخص تو لہجہ متین چھوڑ گیا

ابھی کی حق نے عطا کی ھے، کل کی دیکھیں گے
اب ایسی باتوں پہ کاہے یقین چھوڑ گیا؟

وہ ایک جوگی جو ناگن کی کھوج میں آیا
ھؤا کچھ ایسا کہ وہ اپنی بِین چھوڑ گیا

صِلہ خلوص و عقیدت کا مانگ سکتا تھا

جو ایک شخص زمیں پر جبین چھوڑ گیا

خدا کا خوف نہیں، وائرس کا تھا خدشہ
جسے بھی موقع ملا ھے وہ چِین چھوڑ گیا

کوئی مزے سے مِرا کھیل دیکھتا تھا رشیدؔ
مگر جو دیکھنے والا تھا سِین، چھوڑ گیا۔

رشید حسرتؔ
@Recently Active Users​

گُلوں کی پالکی میں ہے، بہاروں کی وہ بیٹی ہے
چہیتی چاند کی روشن سِتاروں کی وہ بیٹی ہے

ہماری عِزّتیں سانجھی ہیں، بولی کوئی بھی بولیں
کِسی بھی ایک کی عِفّت، سو چاروں کی وُہ بیٹی ہے

وُہ چلتی ہے تو راہوں میں سُریلے ساز بجتے ہیں
کِسی اُجلی ندی کے شوخ دھاروں کی وہ بیٹی ہے

کِیا ہے بے رِدا جِس نے مِرے دہقاں کی بیٹی کو
وطن کے نام لیوا غمگُساروں کی وہ بیٹی ہے

بڑی مُدّت تلک جس بہن کو ہم نے عدُو سمجھا
سِتم سہتی رہی ہے، کوہساروں کی وہ بیٹی ہے

سُرِیلی بانسری کی تان اُس کی گُفتگُو ٹھہری
تراشِیدہ پری رُخ شاہکاروں کی وہ بیٹی ہے

ہماری زِندگی بے کیف گُزری ہے رشید حسرتؔ
نہیں جِس میں کوئی سُکھ، ریگزاروں کی وُہ بیٹی ہے

رشید حسرتؔ ، کوئٹہ
@Recently Active Users​

وُه شور ہے کہ یہاں کُچھ سُنائی دیتا نہیں
تلاش جِس کی ہے وه کیوں دِکھائی دیتا نہیں

سُلگ رہا ہوں میں برسات کی بہاروں میں
یِه میرا ظرف کہ پِھر بھی دُہائی دیتا نہیں

نجانے کتنی مشقّت سے پالتی ہے یتیم
ہے دُکھ کی بات کہ اِمداد بھائی دیتا نہیں

درِ فرار مِرے واسطے کُھلے تو ہیں
وه زُلف قید سے لیکِن رِہائی دیتا نہیں

زمیندار نے دہقاں کی پگ اُچھالی آج
که فصل کاٹتا تو ہے بٹائی دیتا نہیں

میں اپنے نام کی اِس میں لکِیر کھینچ نہ لُوں
وُه میرے ہاتھ میں دستِ حِنائی دیتا نہیں

نہ ہوتی حُسن کی توصِیف گر اُسےؔ مقصُود
تو شاہکارؔ کو اِتنی صفائی دیتا نہیں

کسک جو دِل میں ہے بخشی ہُوئی اُسیؔ کی ہے
مقامِ عِشق تلک جو رسائی دیتا نہیں

رشِیدؔ پیڑ کے ساۓ سے سُکھ کی تھی اُمید
یہ کیا کِہ بیٹا بھی گھر میں کمائی دیتا نہیں

رشید حسرتؔ
@Recently Active Users​

بِچھڑا وہ گویا زِیست میں آیا کبھی نہ تھا
اُس نے مِرے مِزاج کو سمجھا کبھی نہ تھا

لہجے میں اُس کے تُرشی بھی ایسی کبھی نہ تھی
دِل اِس بُری طرح مِرا ٹُوٹا کبھی نہ تھا

گو اِضطراب کی تو نہ تھی وجہ ظاہری
دِل کو مگر قرار کبھی تھا، کبھی نہ تھا

مانا کہ زِندگانی میں آئے، گئے ہیں لوگ
کوئی بھی اُس گلاب نُما سا کبھی نہ تھا

آیا بھی میرے شہر مِلے بِن بھی جا چُکا
جیسا ہُؤا ہوں آج، میں تنہا کبھی نہ تھا

گُھٹنے ہی اُس نے ٹیک دِیئے، ہار مان لی
لوگو! وہ ایک شخص جو ہارا کبھی نہ تھا

راہِ وفا میں دشت بھی تھے، وحشتیں بھی تھیں
گر کچھ نہ تھا تو زلف کا سایہ کبھی نہ تھا

جھیلا ہے درد ہنستے ہوئے، کھیلتے ہوئے
کیا شخص تھا جو شِکوہ سراپا کبھی نہ تھا

راتیں کٹی ہیں، دن بھی گُزارے گئے رشیدؔ
دیتا جو دُکھ میں ساتھ سہارا کبھی نہ تھا

رشِید حسرتؔ
@Recently Active Users​

شرعی مسئلہ
خوبصورتی کے لیے چہرے کی سر جری کروانا کیسا ؟
صرف سنی یا اہلسنت والجماعت حضرات کے لئے

Login to view embedded media ​

سنی یا اہلسنت والجماعت حضرات کے لئے
Login to view embedded media ​

سنی حضرات کے لئے
Login to view embedded media ​

بِچھڑا وہ گویا زِیست میں آیا کبھی نہ تھا
اُس نے مِرے مِزاج کو سمجھا کبھی نہ تھا

لہجے میں اُس کے تُرشی بھی ایسی کبھی نہ تھی
دِل اِس بُری طرح مِرا ٹُوٹا کبھی نہ تھا

گو اِضطراب کی تو نہ تھی وجہ ظاہری
دِل کو مگر قرار کبھی تھا، کبھی نہ تھا

مانا کہ زِندگانی میں آئے، گئے ہیں لوگ
کوئی بھی اُس گلاب نُما سا کبھی نہ تھا

آیا بھی میرے شہر، مِلے بِن بھی جا چُکا
جیسا ہُؤا ہوں آج، میں تنہا کبھی نہ تھا

گُھٹنے ہی اُس نے ٹیک دِیئے، ہار مان لی
لوگو! وہ ایک شخص جو ہارا کبھی نہ تھا

راہِ وفا میں دشت بھی تھے، وحشتیں بھی تِھیں
گر کُچھ نہ تھا تو زُلف کا سایہ کبھی نہ تھا

جھیلا ہے درد ہنستے ہُوئے، کھیلتے ہُوئے
کیا شخص تھا جو شِکوہ سراپا کبھی نہ تھا

راتیں کٹی ہیں، دِن بھی گُزارے گئے رشِیدؔ
دیتا جو دُکھ میں ساتھ سہارا کبھی نہ تھا

رشِید حسرتؔ​

نمازِ عشاء کے فرضوں سے پہلے وتر پڑھنا کیسا؟ا

جواب سنی یا اہلسنت والجماعت حضرات کے لئے
Login to view embedded media ​

لا کے چھوڑا ہے مجھے چھوڑنے والے نے کہاں
چین کا سانس لِیا درد کے پالے نے کہاں

اپنی دھرتی سے ہؤا دور تو احساس ہُؤا
کھینچ کے لایا ہے روٹی کے، نِوالے نے کہاں

جانتا ہوں کہ تُو نادان سمجھتا ہے مجھے
اِک ذرا راز کِیا فاش یہ بالے نے کہاں؟

اب سے پہلے میں کبھی اپنا ہؤا کرتا تھا
اپنا رہنے ہی دیا تیرے حوالے نے کہاں

کی وفا مجھ سے کہاں رات کی تارِیکی نے
چین بخشا ہے کبھی دِن کے اجالے نے کہاں

میں تِرے لوٹنے کی آس لِیے بیٹھا ہوں
روک رکھا ہے تجھے سوچ کے جالے نے کہاں

چاند کو حلقہ کِیے رہتا ہے بس چودھویں رات
بات مانی ہے کبھی چاند کے ہالے نے کہاں

سب کے اخبار تو بے رنگ بھی مشہور ہوئے
نام پایا ہے مِرے درد رِسالے نے کہاں

اک تصور نے تِرا رنگ ہی بدلا ہے رشید
آگ سُلگائی ہے اس برف کے گالے نے کہاں

رشید حسرت​